ሕይወት እና ነፃነት

ሕይወት ያላቸው ነገሮች በእራሳቸው መንቀሳቀስ የሚያስችል ኃይል አላቸው። በእራስ-ተነሳሽነት የሚደረግ እንቅስቃሴ ደግሞ በውጫዊ ኃይል ሊስተጓጎል ይችላል። “ነፃነት” ማለት ደግሞ ነፃ-መሆን ነው፤ የመንቀሳቀሻ ወይም የመሄጃ “ቦታ” ሳይሆን በፍላጎት “መንቀሳቀስና መሄድ” ነው፤ በእራስ-ፈቃድ የራስን መንገድ መከተል ነው። በአጠቃላይ፣ ነፃነት ያለ ምንም ውጫዊ ኃይል አስገዳጅነት በእራስ-ተነሳሽነት፤ በነፃ ፍላጎት እና ምርጫ መንቀሳቀስ ነው።

ግዑዝ ነገር በእራሱ ተነሳሽነት እንቅስቃሴ (self-initiated motion) ማድረግ አይችልም። ይህ ከሆነ ደግሞ በእራሱ ተነሳሽነት መንቀሳቀስ የማይችልን ነገር፣ “ነፃነት አለው ወይስ የለውም?” ብሎ መጠየቅ በእራሱ ትርጉም የለውም። በሌላ አካል አነሳሽነት የሚደረግ እንቅስቃሴ በእራሱ የነፃነት አለመኖርን ያመለክታል።

https://ethiothinkthank.wordpress.com

Advertisements