በ40 ዓመታት ውስጥ በ1.4% ያደገ የኢኮኖሚ ዘርፍ ምን ጥሩ ነገር አለው?

ኢትዮጲያ የማህበራዊ-መሰረተ-ልማት ግንባታ የሚጀምረው፣ በኢኮኖሚው ዋና አንቀሳቃሾች ዘንድ ሰርፆ ያለውን ለተፋጠነ ኢኮኖሚያዊ እድገት ምቹ ያልሆኑ እሴቶች የሚያንፀባርቁ ማህበራዊ ልማዶች እና ደንቦችን መቀየር ወይም ምቹ የሆኑ ማህበረዊ እሴቶችን በመፍጠር በሕብረተሰቡ ውስጥ እንዲሰርፁ ማድረግ ይጠይቃል።

“ለተፋጠነ ኢኮኖሚያዊ እድገት ምቹ ያልሆኑ ማህበራዊ እሴቶች፤ በዋናው የሀገሪቱ ኢኮኖሚ አንቀሳቃሽ፣ በአርሶ-አደሩ ዘንድ አሉ ወይ?” ለሚለው ጥያቄ መልስ ሊሆን የሚችለው የኢትዮጲያ የግብርና ምርት ባለፉት 40 አመታት ውስጥ በአማካይ በ1.4% ብቻ እድገት እንዳሳየ ብቻ መጥቀሱ በቂ ነው። አርሶ-አደሩን ሰቅዞ ስለያዘው ድህነት ምንም ማብራራት ሳያስፈልግ፣ ኢኮኖሚው ዋና ዘርፍ አርባ አመት ሙሉ ባለበት የሚረግጥ መሆኑ፣ በክፍለ-ኢኮኖሚው አንቀሳቃሾች ዘንድ የሚዘወተሩ፣ ለተፋጠነ ኢኮኖሚያዊ እድገት ፍፁም ምቹ ያልሆኑ ማህበራዊ እሴቶች መኖራቸውን ያመለክታል።

ethiothinkthank.com

Advertisements