አንተና እሱ

አንተ……
“እንዴት ይሆናል?” የምትል
ሰውን ለመፈረጅ የምቸኩል
አላዋቂ፣ ፍርደ-ገምድል

እሱን ያሳመነው ምክንያት
ላንተም ቢመስልህ ዕውነት
እሱ የነበረበት ግዜና ቦታ
ቢሆን ያንተ ነባራዊ ሁኔታ
በአጣብቂኙ ራስህን ብታገኘው
በምርጫው እንዳደረገ የፈረጅከው
ይገባሃል አማራጭ እንዳልነበረው
ክፋት አቅዶ የሰራው የመሰለህ
በቅን ልቦና እንደነበር ትረዳለህ

እንዲገባህ ያለበት ሁኔታ
መሆን አለብህ በእሱ ቦታ
የእሱ ዕውነት ላንተም እንዲሆን
ብታስቀምጥ በእሱ ቦታ ራስህን
የፈረጅከው፣ ያጣጣልከውን
አንተም ታደርግና ያደረገውን
እሱም እንዳንተ ፍርደ-ገምድል
ይፈርጅሃል፣ ያጣጥልሃል
ያጣጣልከውን፣ የፈረጅከውን
እሱም ባንተ ቦታ ሲሆን
የሚያደርገውን፣ የሚሆነውን።
*****
ስዩም ተ.
(ለሊዮ ቶልስቶይ)

ethiothinkthank.com

Advertisements