The Unthinking Loyality of EPRDF Supporters Damaging PR of the Party

ለ፦ ኢህአዴግ የህዝብ ግንኙነት ክፍል

ጉዳዩ፦ የፓርቲው የውስጥ ጠላቶችን ስለማሳወቅ

ከላይ በርዕሱ ለመጥቀስ እንደተሞከረው፣ አሁን ባለው ነባራዊ ሁኔታ ማህብራዊ ድህረ ገፆች፣ በተለይ ፌስቡክ (Facebook)፣ ንቁ የሆነ የፖለቲካ ተሳትፎ የሚደረግበት መድረክ እየሆነ እንደመጣ ግልፅ ነው። በዚህ ሚድያ አማካኝነት ገዢው ፓርቲ ለሚያከናውናቸው የተለያዩ ተግባራት አፈፃፀም ግብዓት የሚሆኑ ሃሳቦች በትችት መልክ እንደሚነሱ ይታወቃል። ሆኖም ግን፣ የፓርቲው ደጋፊዎች/አባላት ነን የሚሉ አንዳንድ ግለሰቦች፤
1ኛ፦ በተጠቀሰው ሚድያ ሃሳብ በነፃ እንዳይሸረሸር፣ እንዲሁም ሃሳቡ በውይይትና ክርክር ዳብሮ ለፓርቲው ከፍተኛ ሥራ-አስፈፃሚዎች እንዳይደርሱ እንቅፋት በመሆን፣
2ኛ፦ እነሱ ከሚያውቁት ውጪ ለየትና ወጣ ያለ ሃሳብ ሲቀርብ በስድብ፣ ጥላቻና ዛቻ የታጨቁ አስተያየቶችን በመሰንዘር ለፓርቲው አሰራር ገንቢና ጠቃሚ የሆኑ ሃሳቦች በድህረ-ገፁ እንዳይቀርቡ ማነቆ በመሆን፣ ለፓርቲው የህዝብ ግንኙት ሥራ ተግዳሮት ሆነዋል። በመሆኑም፣ የተጠቀሱት የፓርቲው ደጋፊዎች/አባላት ባለማወቅ የፓርቲውን መልካም ስም ጥላሸት ከሚቀባ ተግባር እንዲታቀቡ መመሪያ ሊሰጣቸውና አስፈላጊው የአቅም ግንባታ ድጋፍ ሊደረግላቸው እንደሚገባ አሳስባለሁ። በመጨረሻም፣ በተጠቀሰው ተግባር የተሰማሩ ግለሰቦችን ስም ዝርዝር ከፌስቡክ ተጠቃሚዎች በአስተያየት (Comment) መልክ በመሰብሰብ መረጃውን አጠናቅረን የምንልክ መሆኑን ለመግለፅ እወዳለሁ።

ከሠላምታ ጋር

ስዩም ተ.
የፌስቡክ ተጠቃሚና
የ ethiothinkthank.com
ዋና አዘጋጅ

ethiothinkthank.com

Advertisements