​አየር ኃይል ላይ ጥቃት ሊያደርሱ ነበር የተባሉ ተከሳሾች ተበየነባቸው

የቢሾፍቱ አየር ኃይል የጥበቃ ሁኔታ፣ የመኮንኖች ብዛት፣ የጦር ብዛት፣  የጦር መሳሪያ አይነት እና ሌሎች ጥናቶች በማድረግ አየር ኃይል ላይ ጥቃት ሊያደርሱ ነበር የተባሉ ተከሰሾች በፀረ ሽብር አዋጁ አንቀፅ 4 ስር የተደነገገውን በህዝብ መገልገያና ተቋማት ላይ ጉዳት ለማድረስ መዘጋጀት፣ ማቀድና ማሴር የሽብር ወንጀል እንዲከላከሉ ብይን ተሰጥቶባቸዋል፡፡ 

በእነ ድሪብሳ ዳምጤ የክስ መዝገብ የተከሰሱት 3ኛ ተከሳሽ አንበሳ ጎንፋ፣  4ኛ ተከሳሽ አለሙ አንበሳ፣ 6ኛ ተከሳሽ ካፒቴን  ዋቆ መርጋ እንዲሁም 11ኛ ተከሳሽ ሞሲሳ ዳግም  ቢሾፍቱ የሚገኘው  አየር ኃይል ላይ ጥናት በማድረግ ቢሾፍቱ በሚገኘው ራዳር፣ በዚሁ ከተማ በሚገኘው የሄሊኮፍተር ነዳጅ ማደያ እንዲሁም ከመቀሌ ወደ አዲስ አበባ በሚመላለሱ አውሮፕላኖች ላይ ጥቃት ለማድረስ ጥናት አድርገው ሲንቀሳቀሱ እንደነበር ክስ ተመስርቶባቸዋል፡፡  የፌደራል ከፍተኛ ፍርድ ቤት ልደታ ምድብ 19ኛ ወንጀል ችሎት በአራቱ ተከሳሾች ላይ ተመስርቶባቸው የነበረውን ክስ እንዲከላከሉ ብይን ሰጥቷል፡፡

በእነ ድሪብሳ ዳምጤ የክስ መዝገብ የተከሰሱ 17 ግለሰቦች ላይ የፀረ ሽብር አዋጁን አንቀፅ 4 በመተላለፍ ማቀድ፣ መዘጋጀት፣ ማሴርና ማነሳሳት የሽብር ክስ ተመስርቶባቸው የነበር ሲሆን የአየር ኃይል ላይ ጥቃት ሊያደርሱ ነበር ከተባሉት አራት ተከሳሾች ውጭ ያሉት አንቀፁ ተቀይሮላቸው በአዋጁ አንቀፅ 7/1 ስር የተደነገገውን በአባልነት መሳተፍ የሽብር ወንጀል እንዲከላከሉ ተበይኗል፡፡  

አንቀፁ የተቀየረላቸው ተከሳሾች መንግስትን በመሳሪያ ከስልጣን ለማውረድ ኦሮሚያ ውስጥ ምዕራብ ሸዋ ጀልዱና ሌሎች አካባቢዎች የሚገኙ ጫካዎች ውስጥ የኦነግ ወታደራዊ ማሰልጠኛ በመክፈት፣ አባላትን በመመልመል፣ በማሰልጠንና በማስታጠቅ ተሳትፈዋል የሚል ክስን እንዲከላከሉ ብይን ሰጥቷል፡፡ ከተከሳሾቹ መካከል የመከላከያ ሰራዊት አባላት የሚገኙበት ሲሆን  ካፒቴን ዋቆ መርጋ እና  ሌሊሴ መርጋ የአየር ኃይል ባልደረቦች እንደሆኑ ተገልፆአል፡፡ ተከሳሾቹ የመከላከያ ምስክር ለማቅረብ ለህዳር 28/2010 ዓ.ም  ተቀጥረዋል፡፡

Advertisements

ምላሽ ይስጡ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s