የአማራ ብሔራዊ ክልላዊ መንግስት የትግራይ ህዝብን በይፋ ይቅርታ እንዲጠይቅ የክልሉ መንግስት አሳሰበ!

ከትግራይ ብሄራዊ ክልላዊ መንግስት የተሰጠ መግለጫ

የትግራይ ክልል መንግስትና ህዝብ ሰላሙን አስጠብቆ የክልሉን ውስጣዊ ችግሮች ለመፍታት ሌትና ቀን በሚረባረብበት ወቅትየአማራ ብሄራዊ ክልላዊ መንግስት በዛሬው ዕለት (ጥቅምት 13 ቀን 2011ዓ.ም) ባወጣው መግለጫ “ የአማራ ብሔራዊ ክልል ከትግራይ ብሔራዊ ክልል ጋር በሚያዋሰኑት የወልቃይትና የራያ አላማጣ አካባቢዎች በተፈጠሩ ግጭቶች የሰላም መታወክ እየገጠመ ይገኛል። •••.አያይዞም ሁኔታው “ለክልላችን ትልቅ የፀጥታ ስጋት ሆኗል” ብሏል። የትግራይ ክልል ከመግለጫው በተቃራኒ የሁሉም ብሄር ብሄረሰብ ተወላጆች ሕገ መንግስታዊ መብታቸውና ነፃነታቸው ተከብሮ በሰላምና በክብር የሚኖሩባት ክልል ሆና እያለች ዜጎች በማንነታቸው የሚፈናቀሉባትና የአማራ ክልል ሰላም ችግር ፈጣሪ መባሏ አሳዛኝና ከትንኮሳ የማይተናነስ ጠባጫሪ አቋም ነው። በዚህ አጋጣሚ የትግራይ ክልል መንግስትና ህዝብ ለአማራ ህዝቦች ማረጋገጥ የምንፈልገው ለሰላማቸው መረጋገጥ እንጂ በማንኛውም ጊዜ ለፀጥታቸው መደፍረስ ምክንያት ሊሆኑ እንደማይችሉ ነው።

መግለጫው በመቀጠልም “የተከሰተው ግጭት መነሻው የራያ አካባቢ ህዝብ የማንነት ጥያቄ ሲሆን ይህንን ጥያቄ ከህዝቡ ጋር በመነጋገር ሕገ መንግስታዊ ምላሽ መስጠት እንደሚገባ በአማራ ዴሞክራሲያዊ ፓርትም ሆነ በኢህአዴግ ጉባኤዎች አቅጣጫ መቀመጡን ይታወሳል” በማለት ሕገ መንግስቱ በማንነት ጉዳይ ላይ ያስቀመጠውን ስርዓት በመጣስ በሌላ ክልል የውስጥ ጉዳይ ጠልቃ መግባቱ የሚያረጋግጥ መግለጫ ነው። በመግለጫው በግልፅ እንደተቀመጠውም በራያም ሆነ በወልቃይት አካባቢዎች ለተፈጠሩ ችግሮችንም የአማራ ክልል መንግስት ኃላፊነቱን መውሰድ ይኖርበታል።

በአጠቃላይ የአማራ ክልል መንግስት ያወጣው መግለጫ መሰረታዊ የሆነ ሕገ መንግስታዊ ጥሰት ያለበትና በሁለቱ ክልል ህዝቦች መካከል ለዘመናት የኖረው አብሮነት የሚጎዳ አደገኛ አካሄድ በመሆኑ በአስቸኳይ እንዲታረም እና የአማራ ብሔራዊ ክልላዊ መንግስትም ለትግራይ ህዝብ በይፋ ይቅርታ እንዲጠይቅ የትግራይ ብሔራዊ ክልላዊ መንግስት እና የትግራይ ህዝብ በጥብቅ እናሳስባለን።

የትግራይ ክልል የኮሙዩኒኬሽን ቢሮ
ጥቅምት 13 ቀን 2011ዓ.ም
መቐለ

ምንጭ፦ የትግራይ ክልል የኮሙዩኒኬሽን ቢሮ ድረገፅ

Advertisements

One thought on “የአማራ ብሔራዊ ክልላዊ መንግስት የትግራይ ህዝብን በይፋ ይቅርታ እንዲጠይቅ የክልሉ መንግስት አሳሰበ!

  1. የሁለቱንም ክልሎች መግለጫዎች አነበብን፡፡የትግራይን ክልል አስቆጥቶ መግለጫ ለማዉጣት የሚያደርስ የአማራ ክልል ጥፋት ምን እንደሆነ ለመረዳት አልቻንም፡፡ በአማራ ተወላጆች ላይ ግድያና ማፈናቀል እያደረሰ ያለዉ የትግራይ ክልል ሆኖ አማራ ክልልን ተጠያቂ ለማድረግ መሞከሩ አሳሪ ነዉ፡፡ አስከመቼ ነዉ ወያኔ ገንዘብም መሬትም እየዘረፈ ዝም የሚባለዉ?

    Like

ምላሽ ይስጡ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.