ሀገር ሲዘርፍ የኖረ የፍርድ ቀን ሀገር ሊያፈርስ ይሮጣል! (የሰነድ ማስረጃ)

ዛሬ ጠዋት በመቀሌ ከተማ “መሬት አንቀጥቅጥ” የተቃውሞ ሰልፍ መካሄዱን ሰምተናል። በተቃውሞ ሰልፉ ላይ ከተላለፉት መፈክሮች ውስጥ የሱዳንን ህዝብና መንግስት የሚያወድሱ፣ በአጎራባች ክልሎች መካከል ለሚነሱ የማንነት ጥያቄዎች ምላሽ ለመስጠት የተቋቋመውን ኮሚሽን የሚያወግዙ፣… ወዘተ ይገኙበታል። ከሁሉም በላይ ግን የእኔን ትኩረት የሳበው “የገነባናት ሀገር ካላከበረችን የምታከብረን ሀገር ለመመስረት እንገደዳለን” የሚለው መፈክር ነው። ከሌሎች በተለየ መፈክሩ ትኩረቴን የሳበበት ምክንያት ይህን የሚሉት ሰዎች ሀገር ይቅርና ሆቴል እንኳን መገንባት የማይችሉ ዘራፊዎች መሆናቸውን የሚያሳይ መረጃ በእጄ ስለገባ ነው።

በእርግጥ ብዙዎቻችን ባለፉት አመታት ከፍተኛ ዘረፋና ሌብነት ሲፈፅሙ የነበሩት ሰዎች ከፍተኛ የህወሓት አመራሮች እና ጄኔራሎች ይመስሉናል። በዚህ የወንጀል ተግባር የተሰማሩት አመራሩ ብቻ ሳይሆን ብዛት ያላቸው የህወሓት አባልና ደጋፊ የሆኑ የትግራይ ተወላጆች ናቸው። በዛሬው ዕለት በተካሄደው የተቃውሞ ሰልፍ ላይ ኢትዮጵያ ውስጥ ተወልደው ሱዳን የሚቀላውጡት፣ በተግባር የማያውቁትን ሕገ-መንግስት ይከበር የሚሉት፣ እንዲሁም ከዘረፏት ሀገር ክብርና ውዳሴ የሚሹት እነዚህ ሌቦች ናቸው።

ባሳለፍነው ሳምንት በአፋር ክልል “አብዓላ” በትምባል 2000 ሰዎች በሚኖሩባት ከተማ 55 ኢንተርናሽናል ሆቴሎች ለመገንባት በሚል ሰበብ ብረታ ብረትና ሌሎች የግንባታ ዕቃዎች ከቀረጥ ነፃ ወደ ሀገር ውስጥ ካስገቡ በኃላ አንድም ሆቴል አለመገንባታቸውን የገቢዎች ሚኒስትር ወ/ሮ አዳነች አቤቤ መግለፃቸው ይታወሳል። በዚህ መልኩ ባለ አመስት ኮኮብ ሆቴል ለመገንባት የሚያስፈልጉትን የግንባታ ዕቃዎች ከቀረጥ ነፃ ወደ ሀገር ካስገቡ በኋላ ያስገቡትን ዕቃዎች በህገወጥ መንገድ በመሸጥ በሀገርና ህዝብ ላይ ዘረፋ ሲፈፅሙ የነበሩት እና ከእነሱ ጋር የጥቅም ትስስር ያላቸው ሰዎች የዛሬውን የተቃውሞ ሰልፍ በማስተባበርና በመምራት ረገድ ግንባር ቀደሙን ድርሻ እንደተወጡ ጥርጥር የለኝም።

ከውስጥ አዋቂዎቸ በደረሰኝ የሰነድ ማስረጃ መሰረት ከላይ በተጠቀሰው የዘረፋ ተግባር የተሰማሩት ሰዎች በሙሉ የትግራይ ተወላጆች ናቸው። ከታች ያለው በአፋር ክልል የአብዓላ ወረዳ የኢንቨስትመንት ፍቃድ በማውጣት የግንባታ ዕቃዎችን ከቀረጥ ነፃ በማስገባት የህገወጥ ንግድ ሲያከናውኑ የነበሩ ባለሃብቶች/ድርጅቶች ስም ዝርዝር ነው።

በዝርዝሩ ውስጥ የተጠቀሱት 40 ሰዎች በሙሉ የትግራይ ክልል ተወለጆች ናቸው። ከእነዚህ ውስጥ 32አቱ የኢንቨስትመንት ፍቃድ ያላቸው ሲሆን 19 ደግሞ “TIN Number” አላቸው። ስለዚህ 21 ሰዎች ያለ “TIN Number” እንዲሁም 8 ሰዎች ያለ ኢንቨስትመንት ፍቃድ፣ 3 ሰዎች ደግሞ TIN Number ሆነ የኢንቨስትመንት ፍቃድ ሳይኖራቸው በአብዓላ ወረዳ ኢንተርናሽናል ሆቴል እንገነባለን በሚል ከቀረጥ ነፃ ብረታ ብረትና የግንባታ ዕቃዎች ከቀረጥ ነፃ እያስገቡ ሲነግዱ የነበሩ ሰዎች ናቸው። ዛሬ በመቀሌ የተቃውሞ ሰልፍ ያካሄዱት እንዲህ ያሉ ሀገር ሲዘርፉ የነበሩና ከእነሱ ጋር የጥቅም ትስስር የነበራቸው ሰዎች ናቸው። በእርግጥ ሀገር ሲዘርፉ የነበሩ ሌቦች ፍትህና ተጠያቂነት ሲመጣ ሀገር ለማፍረስ ይሞክራሉ። ይህንንም በዛሬው ዕለት በተግባር አረጋግጠዋል።

Advertisements

One thought on “ሀገር ሲዘርፍ የኖረ የፍርድ ቀን ሀገር ሊያፈርስ ይሮጣል! (የሰነድ ማስረጃ)

ምላሽ ይስጡ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.